| yuk ting's profileCAMMY的分享空間PhotosBlogNetwork |  Tools  Help |
CAMMY的分享空間 |
|||||
|
|
July 17 好叻叻呀,有其母必有其子^^~熙熙前兩日先坐學行車,第一日只你識快速後波,第二日轉左轉右冇問題,第三日就360度暢通冇阻,佢係鐘意去廚房,我就捉佢捉到傻.之前佢都唔識爬,尋日就識爬喇,仲爬得好快,遲多一個月到可能識企同學行,到時真係睇少眼都唔得呀  ,不過唔經唔覺由佢出世咩都唔識,到慢慢教,佢又自己去試,到依定真係好開心睇到佢一步一步成長,有時真係覺得成日湊佢冇私人時間同成日攪攪震有少少煩,但一望住佢訓覺訓得咁香甜,我就覺得好幸福呀,有時只係望住佢我都望到好夜先訓,怕佢反身訓焗親,又怕佢涷親,仲之就係開心啦,有仔萬事足 June 26 大個仔喇我地熙熙大個仔喇,開始識坐,又好似出牙仔,好可愛呀,有一日熙熙由床到跌左落地,嚇到我心都離晒,原因係我個日買完送返屋企,之後抱左佢一陣好熱,想換件衫,放左係我張床到,我一除衫,佢就一個....二個反身,就咁訓左係地,當時我好驚呀,亞媽又返左大陸,得我一個,唔知有冇跌親佢,立即打比亞媽,比佢省左鑊金,之後就叫我CHECK下手腳有冇事,好彩冇事,頭仔都冇事,嚇到我傻,熙熙下次媽咪唔敢喇,原諒我啦,唉~~~~~~~到時識行我未睇少眼都唔得@@ January 07 好心痛呀今日同bb沖涼時,同佢除左手套之後,佢抓破左自己張可愛既面豬仔,立即大喊,嚇到我都唔知點算,喊到我個心都痛晒,好彩我阿媽係到幫手,搞掂左bb冇事lu,不過就有少少傷痕係到,希望快d好返啦,下次都係捉住佢隻手黎沖涼先得,真係傷左兒身痛在我心>.< January 06 滿月喇6 DEC 2007 有個3.05KG既bb出世喇,佢叫柏熙仔,本來我係順產,但係辛苦左24個鍾之後發燒要開刀呀,跟住我就住左4日醫院,bb就住左7日打晒針先返得屋企,到13號終於出院喇,一出院就同佢影左幾張相,之後成個月我都學做媽媽,所以我現在先寫,希望大家唔好怪我.
5 JAN 2008尋日係我個bb滿月喇,都係我自由活動既日子喇,唔洗再係屋企發臭=.=唔知係唔係知道要出街,佢成日下午都訓覺,一到夜晚就好精神,個個都同佢影相,攪到我都係同BB影左一張咋>.<d相要等我老表send比我先再post上去比大家睇啦,等下啦^^~ |
||||
|
|
